شذى و رمضان

طبعا باركت لكم كلكم بالشهر و اظن مر من هالشهر الكريم10 او 11 يوم بصراحة انا لولا  واحد من الربع حاط بنكه انه اليوم جذي رمضان  جان انا مضيعة بتقولون من الحلقات يمكن بتعرفين بس انا ما اتابع الا مسلسل واحد و ساعات ما الحق على البداية  و ما اشوف الرقم  المهم خله نبدي شذى شتسوين ويا  رمضان طبعا اليوم سويت شي اول مرة  تقريبا في حياتي الجامعية اسويه طقعت محاضرة دازين يعني الا فيها رسم  و السبب بسيط لأني ما اشتغلت شي اشتغلت  حق مادة التصميم الداخلي و هذيت الدازين و كنت مترددة اروح و الا لا  و اقول ما ابي ارواي الدكتور اني ما اشتغل  فطقعت طبعا قعدت اشتغل في البيت شوي ساعة تقريبا بعدها رحت الصالون 🙂 و رحت الجامعة  للساعة 4 الا ربع. مشكلتي في هالرمضان اعاني من خيابة غير شكل ما ابي اشتغل و فترات تجيني حتى قبل الفطور بربع ساعة اشتغل صايرة ما ادري ليش يا ربي ما استغل وقتي و يأنبني ضميري اني اضيع وقتي على الفاضي و خصوصا لما اشوف ان احنا بلسبوع الخامس و انا للحين ما سويت شي  يعني ساعات افتح الانترنت اتصفح و اخذ وقت و اضيع وقت  يا اني اقرا الجريدة الصبح من النت و بعدها  ارد  اقراها لما توصل امس كانت شايلة جارج الابتوب و بند عليي و من الخيابة  ما قمت وصلته قلت عشان اتأدب و ما اشغل  و اروح اشتغل  يا زعم اقعد على الطاولة  اقول مستملة ابي اكلم احد او اطالع التلفزيون اشياء شايفتنها من قبل  حتى امس كان عندي ساعة قبل لا يبدي  المسلسل الوحيد الي اتابعه عشان اروح اتسبح اقول مالي خلق باجر الصبح بتسبح ما ادري شفيني صراحة خب سهر ما اسهر واجد و  تقريبا اقل شي اخذ قسط 7 ساعات نوم في اليوم .

النقطة الثانية:  طبعا انا ما اتابع التلفزيون  الا حزة الفطور طبعا البيت يحطون برنامج يضحك و اعتقد انه يناقش بشكل جدي قضايا دولة الامارات و بنفس الوقت قضاينا باسلوب مضحك اسمه حاير طاير الجزء 4  و مو مهم عندي اتابعه كامل  لأني اقوم من نصه اقوم اغسل المواعين لأني احس ما اسوي شي في رمضان و امي الله يعطيها الصحة و العافية  من تجي من الشغل ما تهدأ  نحلة تطبخ كل شي  و انا الخايبة  ما اسوي شي  ذاك السبوع بس سويت انجاز و تطنزووو عاد  كانت امي  ما بتجي البيت  بتروح تودي  جدتها" ماما صالح" المستشفى كانت تعبانة فاتصلت فيني و قالت لي اسوي عيش ابيض  و اخلي ابيوي يطلع السمك  انزين عاد تعرفون المستفى لا يمكن الاتصال بالتلفون توهقت ما قالت لي جم جيلة و لا الخطوات 🙂 المهم  طبعا اول شي توهقت وين مكان العيش بعدها شغلت ذاكرتي و تذكرت وينه المهم كانت فيه جونيتين عاد انا حطيت من الخيشة الأولى تذكرت مرة نقاش خالاتي  و كأن جيلة هو الحل المناسب حطيت جيلة و صبيت الماي طلع كله سرو ما عجبني العيش طبعا المجرمة شذى اعرف الي سويته غلط شفت فيه واجد سرو هو المفروض انه ينضفونه بالغسال بس انا ما فطنت الا في الأخير قمت كتيت هالعيش اعرف حرام بس شسوي ما ابي افشل في المهمة  و حطيت من العيش الاني المهم عاد جم ملح يحطون ما ادري حطيت 3  ملاعق صغار قلت هذا شكله بيصير مالح و قلت الله يستر  و تذكرت طريقة لما اشوف ابوي يسوي العيش ايام الصيف المهم جرت الأمور بخير و سويت عصير برتقال و صج حسيت بالتعب و قلت الله يساعد امي هذا انا ما سويت شي و تعبت 🙂 طبعا العيش طلع ماصخ  بس كفانا الحمد لله  و لو جت امي تفطرت كان احتمال ما يكفينا. المهم طولت بهالسالفة و المسلسل الثاني الي اتابعه في 4 دو اوفر فن قصته  بتحجى عن تأيره فيني وقت ثاني  و المسلسل الي اتابعه بس العربي الحور العين في امبي سي صرااااااااااااااحة انا كل مسلسلات رمضان مو عاجبتني و فاشلين صراحة  انا ما شفتهم كلهم  بس مجرد لمحة منهم تعرفين عن ويش هالمسلسل و العوار الراس الي وراه فمن جذي ما عورت راسي  اني اتابعهم  صراحة مسلسلات تافهة  و الممثلين تافهين اي بلصح ما يعرفون يمثلون  صراحة استغرب الصغار الأجانب الأطفال يعرفون يمثلون احسن منهم  انا اتحجى على عموم المسلسلات الخليجية لأن انا تعجبني الدراما السورية و تمثيلهم لا مصري و لا خليجي ما في الا سوري.. كلمة حق هل هذي المسلسلات من ناحية فكرة و مضمون و تمثيل و طريقة طرح جديدة  انا اشوف كل سنة نفس هلقصص ابي مممثل خليجي يكون واقعي في تمثيله كل واحد يتفنن  ويعرص لنا احدث صياحت ازيائه  و مكايجهم و عمليات تجميلهم و لوكهم الجديد كل المصايب  الي في الدول الخليجية حطوها ما في شي ايجابي طبعا اذا استثنينا حلقات معينة  اليوم شفت حلقة  جميلة بس و انا اطالعها قلت اكيد عالم بتقول هذا عن ويش يتحجى طبعا اتحجى عن حلقة طاش ما طاش بتقولون اكو تابعين مسلسل انا اتابع و انا انتظر مسلسلي الأجنبي و حزة الي اتباعه  اكون اقرار ايميلاتي المهم  قضية اليوم  الي تحجى عنها و لا مرة شفت مسلسل طبعا ما اقدر احكم بس ما اتوقع ان احد سواها كان الهدف جميل جدا من هذي الحلقة و هو توعية الشعب السعودي بشكل عام للحافظ على البيئة السعودية من حيوانات انقرضت  و الصيد الجائر .. تعرفون في عادات  في الشعب السعودي  يحبون صيد الأرانب و الغزلان و الضباب  و شلون القانون في الدولة السعودية مثل ما هو موجود في العديد من الدول الخليجية  انه ما في قانون رادع  لصيادين الجائرين  و قارن بينا و بين الغرب  و هذا بالفعل مثل ما قاله شلون يحبس المواطن اشهر ويغرم غرامة مالية  اذكر حتى مرة استاذي كان يقول ان في استراليا  اذا شافوك تعطي  مثلا الكانغرو  جيبس  و الا اكلك يعاقبونك  بالفعل كانت حلقة رائعة بالرغم  ان حلقة طاش ما طاش معروفة  بأنها يتخللها الضحك بحكم طبيعة  ممثلين طاش ما طاش بس هذي الحلقة كانت جادة و كان فيه بس قفشة بسيطة و كانت  تعليمية بحد ذاتها لما واحد من نفسهم حماية البيئة راح يلاحق بريعصي لأنه ما ادري شنو سوه فيه و لما نسيت اسمه الممثل قال له شتسوي قال ما تدري انك بقتله بتخل بتوازن البيئة لأن هي تاكل الكثير من الحشرات المضرة  طبعا هذا كان في الصحرا  و هي تعيل كانت اخرى بألصح بتخرق التوازن البيئي  بالفعل  نحن بحاجة الى مثل  هذه الحلقات الرائعة  التي تنصح و تعالج  مو مسلسلات هابطة دعارة و فنادق  و القهر ان يحسبون الكل جذي و لا هالسنة  يا زعم الكل يبي يطلع له لزمة معينة يقصون على من صراحة لا انتاج و مونتاج و لا طريقة تصوير تشد الواحد طبعا الي شدني بس في الحور العين طريقة تصوير البرنامج و حتى القصص الي يطرحونها واقعية و هو الارهاب و العائلات الموجودة الشخصيات حقيقة ما تتصنع كل واحد يمثل حقيقي بلا مبالغة  بالرغم من انتقادات المسلسل انا بحكم عليه لما يكمل المهم انا طولت معاكم واجد و لي حديث معاكم اخر لأن سوالفي ما تكمل و غير احداث ثانية ابي اقولها لكم بعد فخلكم قراب