اخيرا

كما اعلنتها في صفحة المسنجر  حيث بدأ بعد الأصحاب بألأعتقاد الغالب بعد هذه الكنية"افضل الصلاة و السلام على حبيب الله محمدو آل محمد.. كلووووووووووووووووووووووووووووش  عقبالكم" و خصوصا متبوعة بصورتي لابسة فيها ثوب النشل بأني سأتزوج هههههههههههههههههههههههههه و الواقع يقول اخيرا افرجت فقد اكملت الامتحانات و هي المرة الأولى في تاريخي الجامعي و الثانوي و اعتقد الآعدادي ان اكمل الامتحانات قبل حلول السنة الجديدة
بنقلب عليكم  لغة عامية اللحين🙂 يا ربي واااااااااااااااااااجد شغلات ابي اسويها بالعطلة و تعرفون صايدتني حالة ابدي في ويه و اخلي ويه بس اهم شي و على رأس الأولويات كتابة شي للسنة الجديدة  يعني وش صار و ما صار انشالله بكرا ابدي فيها رغم ان اللحين مفروض انام لأن الليل بطلع  بس ما ابي انام  و مفروض اروح اتسبح بعد صار لي يومين لا اعفن  الالالالالاي اخيرا بستمتع بالماي الحار هههه حتى الجريدة ما قريتها عدل رغم ان فيها وايد شغلات حلوة  طبعا امتحاناتي بديتها يوم الأحد سويت لا بأس مثل ما ابي ابي اجيب في هالمادة بي رغم ان في امكانية اجيب اعلى بس اني من النوع اذا شي ما احبه ما اسويه يعني هذي المادة فيها شغلات تعتمد على كورسات ماضية بس انا كنت اكرهها و ما احبها و ما اسوي فيها زين و القهر تلاحقني في كل مقرر من مقررات السيفل اي المدني انا حزة الامتحانت المنتصف تقول حلولوا تأكدوا من القيم بس ما اسوي لأن ما ابي اعور راسي و اعرف انه بس عليه 5 درجات من 100 انا الي يهمني هالمقرر اخيرا افتكيت منه منا بيلاحقني  في مقررات الجامعة لأن هذا اخر مقرر سيفل اخذه من بعد 5 مقررات  افتكيت منهم..طبعا ايام الدراسة فيني عادة قبيحة جدا احاول اجود روحي عنها بس ساعات ما اقدر طبعا اعرف سببه و هو التوتر رغم اني خارجيا ما اكحون متوترة بس  التوتر يظهر في هالتصرف الا و هو تمقيع  الشعر الراس و يصل لشعر الحواجب ايضا و الله يمكن في اليوم  تقريبا 100 شعرة امقع و الله حالة ساعات من احس روحي صرت مأساة مثل امس البس شيلة و انا ادرس قبل كان عندي بندانة بس ضاعت::( المهم جينا  للمادة الثانية و هي الاسلاميات المقرر المشترك دراسته  شوي كانت متعبة  لأني بالمختصر المفيد المحاضرات الأخيرة  كنت كله مطقعة حق الدزاين و كنت بيني و بين نفسي اقدر احضر بس اقول يا ربي اطقها الجامعة  على محاضرة بيقعد يشرح ليي ساعة و شي كلش ما استحمل اقول حتى قبل لا اطقع كنت احضر  تقريبا بغد المحاضرة بربع ساعة عشان يبقى ليي بس ساعة احضرها  اقول ليكم اختربت بس هذا الشي درس تعلمته توبة و نوبة اطقع  محاضرات لأن الواحد لما ينصدم بمنهج  او جباتر مو حاضرنها ليلة الامتحان شيسوي رغم انها سهلة بس انا مخي من النوع المعلومة ما تركز في مخه الا اذا احد شرحها  بعدها في الدراسة تصر سهلة اصلا هو شعور بس🙂 اني ويا فلسفياتي طبعا بالمختصر ما كملت دراسة المنهج  و تميت الساعة الأخيرية  اقرا  بسا النوت عشان بس ادري وش السالفة رغم ان الامتحان يجيبون الشغلات المخفية الي في الكتاب طبعا  نسيت اقول ان دفترش هبة ساعدني واجد في  سرعة فهمي للأشياء الي ما حضرتها خصوصا انه نفس الدكتور  دكتورنا عجيب و الله حسافة عليه كله يبي يساعد الطالب عنده ضمير هالدكتور يعني يقول  انا ما بحط درجة البروجكت الا بعد الفاينل  لأني اعرف في ناس  يزفتون و يحتاجون مساعدة فوسيلته يساعدهم  في البروجكت يقدر يزيد الطلبة  صج مدرس اسلاميات يعرف دينه🙂 طبعا رحت الامتحان كان اول امتحان اقدمه بالصخير من بعد الاورنتيشن  التهميدي طبعا شفت الربع و  يقصون لي عن دكاترهم الوقعة حمدت ربي على هالدكتور اعرف اني قاعدة اقص قصة عريضة ::) عذروني بس ابي اعبر ههههه انزين الجووووووووو كان حده بااااااااارد  اول نهار البرد  طبعا دشيت القاعة انصدمت كلش منزمااااان مو متعودة  على هالعدد الهائل في القاعة جاني ارتباك شوي ..  ايام الكالكولس ما كان هالعدد انزين جت ورقة الامتحان حسيت مخي استك ما اعرف و لا شي اسئلة ما اعرف ليهم اجابة و لا متأكدة منهمطبعا من اشوف اول سؤال عادة تستك فيني الدنيا و ما اعرف اجاوب فعادتي دايما ابدي من الأخير او افتح اي ورقة من النص و ابدي  فتحت النص لقيت روحي ما اعرف  فتحت الأخير ما اعرف وش هالحالة اسئلة من تاتايش الكتاب جايبين  لا و الي باط جبدي  كان هذا  دكتور المأساة الي يدرس نور و محمود  شي من بيت المحمود طبعا اول ما جا القاعة جاي متمختر بسيارته  افالون يا زعم هو فن عند القاعة و مساكين دكاترتنا و دكتورنا  جايين مشي بالقاري يدزون اوراق الامتحانت و في القاعة  قعد يتفلسف علينا  شوي ما ادري  محسب روحه من  المهم عن الامتحان صراحة ما ادري شسويت كان يوم عيد ميلاد اختي كان حده يوم كريه لأني صراحة ما ادري شسويت اتمنى اني احصل سي طبعا الكل طلع يقول خلاص الكورس الجاي منعيد المقرر بس انا ما تشائمت لحد الرسوب بس  انقهرت لأن المادة دين اسلامي رغم ان في اجزاء من الكتاب استمتعت فيه و الكتاب  فن اذا الواحد تعمقها  هي معلومة لنا بس احنا ما نحس فيها  ما بتفهمون اعرف🙂 المهم جيت البيت نمت نومة عميقة من 3 الى 5 و امي تقول لي واجد نايمة  لأن تعرف ان عندي امتحان باجر قلت لها ابي انسى هلآمتحان الكريه الي قدمته  المهم قعدت ادرس  المادة تحولت للدراسة الى المجلس العلوي  بعد ما درست  المادتين القبليتين في المجلس التحتي عشان اغير جو  و قعدت ادرس  للساعة 3 و كملته استمتعت بدراسته لأن شي حبيته و فاهمتنه هو عن البيوت القديمة في البحرين  و الحمد لله سويت واجد زين فيه المادة الي بعدها رديت نمت من 3 الى 5 الي قدمتها اليوم  و قعدت ادرس فوق في البداية كان اوكي بعدها استمليت الساعة 1 و بردت  نزلت تحت و نمت و قعدت الصبح اكمل المقرر طبعا للعلم هذي المادة 50 درجة عملي و 30 درجة فاينل و ما كان فيها لا تيستات و لا كوزات و ملازم شكثر اول مرة ندرسها ليلة الامتحان  و ما كان عندي وقت قبل ادرسها  ففي الأخير الصبح قعدت اقرا الأشياء المهمة المهم في ورقة ما شفتها و حزة الامتحان جا منه سؤال  ب7 درجات من 100  و  انا و لا ادري وش سالفتهم اذكر اني سمعتهم في الشرح بس ما اذكر وش سالفتهم بس اجمالا سويت وايد اوكي  الحمد لله و طبعا المادة الخامسة الدزاين هي اول ما دة كملنا منها كانت يوم الأربعا  21 ديسمبر الحمد لله الجيوري كان اوكي و حتى لو ما كان اوكي شذى تسويه اوكي لني  خلاص  وصلت لمرحلة اتقبل كلشي و اي شي بدون نقاش ابي اكتب بعد بس تعبت لنا لقاء آخر

One Response to “اخيرا”

  1. :):)شاديوووووة الله يغربل إبليسش رجعتيني لنفسي أيام الامتحاناتههههههههههههالحمد الله هالكورس ما فيه مواد ولا عوار راسالله يوفقكم يارب أنتظر البقيةمحبتي zaza

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: